Shri Krishnana Nooraru Geethegalu - 156

ಜಗಕಾರುಣ ಕರುಣ

ಕಂಡಿರೇನಯ್ಯ ಎಮ್ಮ ಜಗವಂದ್ಯನ
ಜಗಕಾರಣ ಕರುಣ ಶ್ರೀಕೃಷ್ಣನ

ಜಗರೂಪನ ಜಗದಾದಿ ರೂಪನ
ರೂಪರೂಪದಿ ಧರೆಯ ಪೊರೆದವನ
ಮತ್ಸ್ಯವರಾಹಕೂರ್ಮಾದಿ ದಶದೊಲು
ಶರಣಾರ್ಥಿ ಸುಜನರ ತಲೆಕಾದನ (೧)

ರಾಮನಾದನ ಶ್ರೀ ಶ್ಯಾಮನಾದನ
ತ್ರೇತೆದ್ವಾಪರದೊಳು ಕ್ಷೇಮನಾದನ
ನರಕೇಸರಿಯಾಗಿ ದುರುಳನ ಬಗೆದನ
ಗೋವಿಂದ ಕಾದನ ಪ್ರಹ್ಲಾದನ (೨)

ವಾಮನನ ಶ್ರೀಬಲಿ ಸಂಹಾರನ
ಕ್ಷತ್ರಿಯಕುಲಹರ ಪರಶುಧರನ
ಹಯಮುಖರಾಯ ಎಮ್ಮ ಶ್ರೀನಿವಾಸ ವಿಠಲನ
ಕಲಿಯೊಳು ಸಲಹೊ ನಾರಾಯಣ (೩)

ಕಂಡಿರೇನಯ್ಯ ಎಮ್ಮ ಜಗವಂದ್ಯನ
ಜಗಕಾರಣ ಕರುಣ ಶ್ರೀಕೃಷ್ಣನ

ರಚನೆ:- ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೧೧.೦೯.೨೦೧೧