Shri Krishnana Nooraru Geethegalu - 361

ಹರಿನಾಮ ಸ್ಮರಣೆ

ಮಾಡೆಲೊ ನರಮನುಜ ಹರಿನಾಮ ಸ್ಮರಣೆ
ದೊರೆವುದೊ ಇಹದೊಳೆ ಶ್ರೀಪಾದ ಕರುಣೆ

ಆದಿಯೊ ಈ ನಾಮ ಅನಂತ ಹರಿನಾಮ
ಅಂತ್ಯರಹಿತವೊ ಶ್ರೀಹರಿನಾಮ
ದಿವ್ಯವೊ ಈ ನಾಮ ಭವ್ಯವೊ ಹರಿನಾಮ
ನುಡಿಯಲು ಸುಶ್ರಾವ್ಯ ಶ್ರೀಹರಿನಾಮ (೧)

ಶಬರಿಯ ಈ ನಾಮ ಅಹಲ್ಯೆ ಹರಿನಾಮ
ಹನುಮನಿಗೊಲಿದ ಶ್ರೀಹರಿನಾಮ
ಐವರಿಗೀ ನಾಮ ವಿಜಯವೊ ಹರಿನಾಮ
ಸುಧಾಮ ಸ್ನೇಹದ ಶ್ರೀಹರಿನಾಮ (೨)

ಮತ್ಸ್ಯವೊ ಈ ನಾಮ ಕೂರ್ಮವೊ ಹರಿನಾಮ
ವರಾಹ ನರಸಿಂಹ ಶ್ರೀಹರಿನಾಮ
ಶ್ರೀನಿವಾಸ ವಿಠಲನೆಂಬೊ ಎನ್ನ ದೇವನ ನಾಮ
ಯತಿಮುನಿರಾಯರ ಶ್ರೀಹರಿನಾಮ (೩)

ಮಾಡೆಲೊ ನರಮನುಜ ಹರಿನಾಮ ಸ್ಮರಣೆ
ದೊರೆವುದೊ ಇಹದೊಳೆ ಶ್ರೀಪಾದ ಕರುಣೆ

ರಚನೆ: ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೧೫.೦೯.೨೦೧೭