Shri Krishnana Nooraru Geethegalu - 353

ನೀನಲ್ಲದಿನ್ನಾರು

ನೀನಲ್ಲದಿನ್ನಾರು ಗತಿಯೆನಗೆ ಹನುಮ
ನೀನೊಲಿದರವನೊಲಿವ ಶ್ರೀರಾಮ ರಾಮ

ತ್ರೇತೆಯೊಳು ಆ ದಿವ್ಯ ಚರಣಸೇವಕನಾಗಿ
ಮಾತೆ ಸೀತೆಯ ಶೋಕ ಕಳೆದ ಗುಣವಂತ
ನುಡಿದಂತೆ ನಡೆದವನ ನುಡಿಯಂತೆ ನಡೆದು ನಿ
ನ್ನೊಳಗವನ ಇರಗೊಂಡೆ ಹೇ ಪುಣ್ಯವಂತ (೧)

ನೀ ಅವಗೆ ದಾಸನು ನಾ ನಿನಗೆ ದಾಸನು
ದಾಸಾದಿದಾಸರೊಳು ನೀನೇ ವಿಶೇಷನು
ದ್ವಾಪರದೆ ಬಲನಾಗಿ ಕಲಿಯೊಳಗೆ ಮಧ್ವನಾಗಿ
ಶ್ರೀನಿವಾಸ ವಿಠಲನ್ನ ಸೇವೆಗೈದನೆ ತಂದೆ (೨)

ನೀನಲ್ಲದಿನ್ನಾರು ಗತಿಯೆನಗೆ ಹನುಮ
ನೀನೊಲಿದರವನೊಲಿವ ಶ್ರೀರಾಮ ರಾಮ

ರಚನೆ: ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೧೧.೧೧.೨೦೧೩