Shri Krishnana Nooraru Geethegalu - 360

ಮಾರ ಸುಂದರ ಧೀರ ಗಂಭೀರ

ನಂದಕಿಶೋರ ಜಗದೋದ್ಧಾರ
ಮಾರ ಸುಂದರ ಧೀರ ಗಂಭೀರ

ನೊಸಲೊಳು ಚಂದನ ತಿಲಕದಲಂಕಾರ
ಮುಡಿಯೊಳು ಮಯೂರ ಗರಿ ಸಿಂಗಾರ
ನಯನದಿ ನಸುನಗೆ ಮೋಹಕ ಸಂಚಾರ
ಘಲುಘಲು ಘಲುಘಲು ಕಾಲೊಳು ಝೇಂಕಾರ (೧)

ರುಕ್ಮಿಣಿ ಸರದಾರ ರಾಧೆಯ ಮನಸೂರ
ಪಾರಿಜಾತ ಪ್ರಿಯ ಭಾಮೆಗೂ ಚಂದಿರ
ನವನೀತ ಚೋರ ವನಮಾಲಾಧರ
ವೇಣುಗೋಪಾಲ ಒಲವಿನ ಸಾಗರ (೨)

ಪೂತನೆಗೂ ಕುವರ ಶಕಟ ಸಂಹಾರ
ಕಳಿಂಗ ಮರ್ದನ ದೇವಕಿಯುದರ
ಶ್ರೀನಿವಾಸ ವಿಠಲನ ಶ್ರೀಕೃಷ್ಣನವತಾರ
ಯತಿಮಧ್ವರಾಯರು ಪೂಜಿಪ ದೇವರ (೩)

ನಂದಕಿಶೋರ ಜಗದೋದ್ಧಾರ
ಮಾರ ಸುಂದರ ಧೀರ ಗಂಭೀರ