Shri Krishnana Nooraru Geethegalu - 198

ಜೀವ ಮೋಹನ

ಏಕೊ ಮೌನ ಇರದೆ ಗಾನ ಇಂದು ಬೃಂದಾವನ
ರಾಧೆಯೋರ್ವಳೆ ಸನಿಹವಿಲ್ಲ ಅವಳ ಜೀವ ಮೋಹನ

ವೀಣೆಯದುವು ರಾಗ ಮರೆತಿದೆ ನಡೆಸೊ ಬೆರಳು ವೇಗವ
ನಾದತಂತಿಯ ಕಾಯುತ್ತಲಿದೆ ರಾಧೆ ಹೃದಯವು ಜೀವವ
ಬರುವೆನೆಂದ ಮುರಳಿ ಮಾತು ತುಂಬಿ ಮೈಯೊಳು ದಾಹವ
ಖಾಲಿ ತೂಗೊ ಉಯ್ಯಾಲೆಯಲಿ ಅಪ್ಪಿ ಆಡುವ ಮೋಹವ (೧)

ಬೃಂದಾವನವು ಒಲವಧಾಮ ವರ್ಣದ್ಹೂಗಳ ಘಮಘಮ
ರಾಧೆಯುಸಿರಿನ ಜೀವ ಕುಸುಮವು ಅವನೆ ಮೇಘಶ್ಯಾಮ
ಶ್ರೀನಿವಾಸ ವಿಠಲ ಕೃಷ್ಣನೆ ರಾಧೆಯೊಲವ ಪ್ರೇಮ
ಶ್ಯಾಮನಿರದ ಬೃಂದಾವನದಿ ರಾಧೆಗೆಲ್ಲಿಯ ಕ್ಷೇಮ (೨)

ಏಕೊ ಮೌನ ಇರದೆ ಗಾನ ಇಂದು ಬೃಂದಾವನ
ರಾಧೆಯೋರ್ವಳೆ ಸನಿಹವಿಲ್ಲ ಅವಳ ಜೀವ ಮೋಹನ

    ರಚನೆ: ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೦೩.೦೧.೨೦೧೨