Friday, August 30, 2013

Shri Krishnana Nooraru Geethegalu - 349

ಬಂದ ಗೋವಿಂದ

ಬಂದ ಗೋವಿಂದ ಜಗದಾನಂದ
ಗೋಕುಲದ ಎಮ್ಮ ನಂದ-ಗೋಪಿಯ ಮನೆಗೆ

ಪುಟಪುಟ ಪುಟ್ಟಪುಟ್ಟ ಹೆಜ್ಜೆಯನಿಟ್ಟು
ಘಲುಘಲು ಘಲುಘಲು ಕಿರುಗೆಜ್ಜೆ ತೊಟ್ಟು
ಪಟ್ಟೆ ಪೀತಾಂಬರ ನವರತ್ನವನುಟ್ಟು
ನೊಸಲೊಳು ಚಂದನ ತಿಲಕವನಿಟ್ಟು (೧)

ಕಾಡಿಗೆ ತೀಡಿದ ಕಂಗಳ ಮಿಟುಕಿಸುತ
ಕೆಂಪನೆ ಅಧರದಿ ಹೂನಗೆ ಅರಳಿಸುತ
ಚಿನ್ನದ ಕೊಳಲೊಳು ಗಾನವನುಲಿಯುತ
ಶ್ರೀನಿವಾಸ ವಿಠಲ ತಾ ಮೂಜಗ ಹರಸುತ (೨)

ಬಂದ ಗೋವಿಂದ ಜಗದಾನಂದ
ಗೋಕುಲದ ಎಮ್ಮ ನಂದ-ಗೋಪಿಯ ಮನೆಗೆ

ರಚನೆ: ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೨೮.೦೮.೨೦೧೩

1 comment:

  1. ಬಾಲ ಮುಕುಂದಮ್ ಮನಸಾ ಸ್ಮರಾಮೀ...

    ReplyDelete