Tuesday, June 26, 2012

Shri Krishnana Nooraru Geethegalu - 240

ನಿನ್ನ ಕರದೊಳ ವೇಣು

ನಿನ್ನ ಕರದೊಳ ವೇಣು ನುಡಿಯಲೊ ನವರಾಗ
ಜಗದಾದಿ ಜೀವಗಳು ಕೇಳಿ ನಲಿಯೆ ಕೃಷ್ಣ

ನಾದತರಂಗವದು ನೂರ್ಕಾಲ ನೂರ್ಮಡಿಸಿ
ಎಮ್ಮ ಚೇತನದೊಳು ರಿಂಗಣಿಸಲೊ ಸದಾ

ಶುದ್ಧವಾಗಿಸೆ ಆತ್ಮ ಅಸುರರಾರ್ವರ ಮಡುಹೆ
ನಾದಾಂಬುಧಿಯದು ಅಬ್ಬರಿಪಲೊ ಕೃಷ್ಣ

ಜನುಮಜನುಮಗಳಲ್ಲಿ ನಿನ್ನಿರುವ ದಿಟವದನು
ಸುಜನರೊಳು ಸಾರಲೈ ಶ್ರೀನಿವಾಸ ವಿಠಲ

ನಿನ್ನ ಕರದೊಳ ವೇಣು ನುಡಿಯಲೊ ನವರಾಗ
ಜಗದಾದಿ ಜೀವಗಳು ಕೇಳಿ ನಲಿಯೆ ಕೃಷ್ಣ

        ರಚನೆ: ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೨೬.೦೬.೨೦೧೨

No comments:

Post a Comment