Tuesday, June 4, 2013

ಇವಳ ಎರಡು ಹನಿಗಳು

ಅವಳ ಹನಿಪ್ರೀತಿಗೆ ಬೊಗಸೆಯೊಡ್ಡಿದೆ
ಸುರಿದು ಜೇನಮಳೆಯಾದಳು

ಗೊತ್ತಿತ್ತು, ಅವಳು ನಿಲ್ಲುವಳಲ್ಲವೆಂದು
ನದಿಯಾಗಿ ಸರಿದು ಕಡಲ ಸೇರಿದಳು

ಕಾಯುತ್ತಿದ್ದೇನೆ ಬೇಗೆಯೆದೆಯ ತೆರೆದಿಟ್ಟು

ಮತ್ತವಳು ಮೋಡವಾಗುವವರೆಗೆ
ಮೋಡ ಮಳೆಯಾಗುವ ಮಾಯೆಗೆ

***

ಹೆಬ್ಬಂಡೆಯಂಥ ಇವಳು
ಪ್ರೀತಿಗೆ ಕರಗಲೊಲ್ಲಳು
ನದಿಯಾಗಿ ನಾನಿವಳ ನಡು ಬಳಸಿ
ಹರಿಯುತ್ತಲೇ ಇದ್ದೇನೆ
ಕಲ್ಲು ಮೆದುವಾದೀತೆಂಬ ಆಸೆಯಲಿ

1 comment:

  1. ಮೊದಲ ಕವನದ ಆಳದಲ್ಲಿರುವ ಹಪಹಪಿ ಒಲುಮೆಯ ತಪಸ್ಸಿನಂತಿದೆ.

    ಎರಡನೇ ಹನಿ ಸಾಕ್ಷಾತ್ಕಾರದ ಆನಂತರ ಒಲುಮೆಯನ್ನು ಒಲಿಸಿಕೊಳ್ಳೋ ಪ್ರಯತ್ನದಂತಿದೆ.

    ಒಂದು ಮುನ್ನ - ಇನ್ನೊಂದು ನಂತರದ ಪ್ರಕ್ರಿಯೆ.

    ReplyDelete