ಒಂದು ಮಳೆಗಾಲದ ರಾತ್ರಿ

ಎದೆ ನಡುಗಿಸಿದ ಗುಡುಗಿ
ಗೆ ಅಪ್ಪಿಕೊಂಡೆ ಪಕ್ಕ
ಮಲಗಿದ್ದ ನನ್ನವನ

ಬಿಸಿ ಸ್ಪರ್ಶಕ್ಕೆ ಎಚ್ಚರ
ಗೊಂಡವನ ಕಂಗಳಲಿ
ಪಳಕ್ಕನೆ ಆಸೆ ಮಿಂಚು

ನಾ ನಡುರಾತ್ರಿಯ ಬೇಸಿಗೆ
ಅವನು ಕೆನೆಗಟ್ಟಿದ ಮುಗಿಲು

ನಡುವೆ ಪ್ರೀತಿ ತಂಗಾಳಿ
ಮಳೆಯಾದ ನಾ ಇಳೆಯಾದೆ

ಭೋರ್ಗರೆದ ಇಳಿದು ಜಾರಿನಲಿ
ಏರಿ ಎದೆಶಿಖರಗಳಲಿ

ಅವನೊಳು ನಾನೋ
ನನ್ನೊಳು ಅವನೋ

ಅವನ ಹರಿತಕೆ ತೊಡೆ ನಡು
ವ ಕತ್ತಲಲಿ ಚಂದ್ರೋದಯ
ದನಾವರಣ

ಇದು
ಒಂದು ಮಳೆಯ ರಾತ್ರಿಯಲಿ
ನನ್ನೆದೆ ಹಾಳೆಯಲಿ ಅವ
ಬರೆದ ಜೀವ ಕವನ