Shri Krishnana Nooraru Geethegalu - 205

ಶ್ರೀಚರಣ ಸೇವೆ

ಹರಿ ನಿನ್ನ ಸಕಲವನು ಚರಾಚರಗಳಿಗಿರಿಸೊ
ಶ್ರೀಚರಣ ಸೇವೆಯದ ಎನಗೊದಗಿಸೊ

ಬೇಡುವೆನು ಕಾಮನೆಯು ನೆರವೇರಿಸೈ ಹರಿಯೆ
ನಾಮಸ್ಮರಣೆಯ ಸಿರಿಯ ಎನ್ನೊಳುಳಿಸೊ (೧)

ಖಡ್ಗ ಕಾಂಚಾಣಗಳ ಅವರಿವರಿಗಿಟ್ಟುಬಿಡೊ
ಶ್ರೀಪಾದದರಮನೆಯ ಎನಗೆ ಹರಸೊ (೨)

ಎನ್ನಾರು ಅಸುರರನು ತೊಲಗಿಸೊ ಶ್ರೀಹರಿಯೆ
ಶುದ್ಧಾತ್ಮದಿ ಕರೆವೆ ಬಂದು ನೆಲೆಸೊ (೩)

ಕಾವೇರಿಪಟ್ಟಣದ ಶ್ರೀನಿವಾಸ ವಿಠಲಯ್ಯ
ಹನುಮನ ಪೊರೆದಂತೆ ಧರೆಯ ಸಲಹೊ (೪)

ಹರಿ ನಿನ್ನ ಸಕಲವನು ಚರಾಚರಗಳಿಗಿರಿಸೊ
ಶ್ರೀಚರಣ ಸೇವೆಯದ ಎನಗೊದಗಿಸೊ

ರಚನೆ: ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೦೩.೦೨.೨೦೧೨