ಶ್ರೀಹರಿ ನಿನ್ನವನೊ
ಹರಿ ಎನ್ನವನೊ ಶ್ರೀಹರಿ ನಿನ್ನವನೊ
ಹರಿಹರಿಯೆನುವರ ಒಡಲೊಳಗಿಹನೊ
ಮಡಿಯನು ತಿಳಿಯನೊ ಮೈಲಿಗೆಯರಿಯನೊ
ಮೇಲುಕೀಳೆಂಬೊ ತಾಳಕೆ ಕುಣಿಯನೊ
ಗೋಟುನಾಮವನಿಟ್ಟು ಬರಿಸಟೆಯಾಡುವರ
ಮಂಗಾಟ ಕಂಡೆಮ್ಮ ಕೃಷ್ಣಯ್ಯ ನಗುವನೊ (೧)
ತೆಂಗನು ಒಲ್ಲನೊ ಬಾಳೆಯನೊಲ್ಲನೊ
ಕರ್ಪೂರ-ಕಾಣಿಕೆ ಅವ ಮೊದಲೊಲ್ಲನೊ
ಮಾತಿನ ಮಂತ್ರದ ಗಡಿಬಿಡಿ ಗಣಿತದ
ಎಣಿಕೆಗೆ ನಿಲುಕನೊ ಗೋಪಾಲ ಗೊಲ್ಲನೊ (೨)
ದೀನರ ದೇವನೊ ಶುದ್ಧಗೆ ಒಲಿವನೊ
ಗತಿ ನೀನೆನುವರ ಸಂಗದಿ ನಲಿವನೊ
ತೋರಿಕೆಯದ ತೊರೆದು ನೇರಿಕೆಯೊಳು ನಡೆಯೆ
ಶ್ರೀನಿವಾಸ ವಿಠಲಯ್ಯ ಕರೆದಲ್ಲಿ ಬರುವನೊ (೩)
ಹರಿ ಎನ್ನವನೊ ಶ್ರೀಹರಿ ನಿನ್ನವನೊ
ಹರಿಹರಿಯೆನುವರ ಒಡಲೊಳಗಿಹನೊ
ರಚನೆ: ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೦೫.೧೧.೨೦೧೧
ಹರಿ ಎನ್ನವನೊ ಶ್ರೀಹರಿ ನಿನ್ನವನೊ
ಹರಿಹರಿಯೆನುವರ ಒಡಲೊಳಗಿಹನೊ
ಮಡಿಯನು ತಿಳಿಯನೊ ಮೈಲಿಗೆಯರಿಯನೊ
ಮೇಲುಕೀಳೆಂಬೊ ತಾಳಕೆ ಕುಣಿಯನೊ
ಗೋಟುನಾಮವನಿಟ್ಟು ಬರಿಸಟೆಯಾಡುವರ
ಮಂಗಾಟ ಕಂಡೆಮ್ಮ ಕೃಷ್ಣಯ್ಯ ನಗುವನೊ (೧)
ತೆಂಗನು ಒಲ್ಲನೊ ಬಾಳೆಯನೊಲ್ಲನೊ
ಕರ್ಪೂರ-ಕಾಣಿಕೆ ಅವ ಮೊದಲೊಲ್ಲನೊ
ಮಾತಿನ ಮಂತ್ರದ ಗಡಿಬಿಡಿ ಗಣಿತದ
ಎಣಿಕೆಗೆ ನಿಲುಕನೊ ಗೋಪಾಲ ಗೊಲ್ಲನೊ (೨)
ದೀನರ ದೇವನೊ ಶುದ್ಧಗೆ ಒಲಿವನೊ
ಗತಿ ನೀನೆನುವರ ಸಂಗದಿ ನಲಿವನೊ
ತೋರಿಕೆಯದ ತೊರೆದು ನೇರಿಕೆಯೊಳು ನಡೆಯೆ
ಶ್ರೀನಿವಾಸ ವಿಠಲಯ್ಯ ಕರೆದಲ್ಲಿ ಬರುವನೊ (೩)
ಹರಿ ಎನ್ನವನೊ ಶ್ರೀಹರಿ ನಿನ್ನವನೊ
ಹರಿಹರಿಯೆನುವರ ಒಡಲೊಳಗಿಹನೊ
ರಚನೆ: ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೦೫.೧೧.೨೦೧೧
No comments:
Post a Comment