Shri Krishnana Nooraru Geethegalu - 194

ಜಯ ಗೋವಿಂದ

ಜಯ ಗೋವಿಂದ ಜಯಜಯ ಗೋವಿಂದ
ಪೊರೆಯೆಮ್ಮ ಕರುಣದಿ ಜಗದಾನಂದ

ಜಯ ಗೋವಿಂದ ರಾಘವ ಗೋವಿಂದ
ಕೌಸಲ್ಯೆ ಆನಂದ ಜಾನಕಿ ಗೋವಿಂದ
ಸಂಜೀವರಾಯರ ಶ್ರೀಪಾದ ಗೋವಿಂದ
ಶಬರಿಯ ಶ್ರೀದೇವ ಸುಗುಣೇಂದ್ರ ಗೋವಿಂದ (೧)

ಜಯ ಗೋವಿಂದ ದಶದಯ್ಯ ಗೋವಿಂದ
ಮತ್ಸ್ಯ ವರಾಹ ನರಸಿಂಹ ಗೋವಿಂದ
ಶ್ರೀರಾಮ ಜಯಶ್ಯಾಮ ಜಗಕ್ಷೇಮ ಗೋವಿಂದ
ಪರಶುರಾಮ ಶ್ರೀವಾಮನ ಗೋವಿಂದ (೨)

ಜಯ ಗೋವಿಂದ ಗೋಕುಲ ಗೋವಿಂದ
ಸುಜನ ಸುಪಾಲಕ ಶ್ರೀಕೃಷ್ಣ ಗೋವಿಂದ
ಶ್ರೀನಿವಾಸ ವಿಠಲನೆ ತಿರುಮಲ ಗೋವಿಂದ
ನಮ್ಮಮ್ಮ ಸಿರಿಲಕುಮಿ ಗಂಡನೆ ಗೋವಿಂದ (೩)

ಜಯ ಗೋವಿಂದ ಜಯಜಯ ಗೋವಿಂದ
ಪೊರೆಯೆಮ್ಮ ಕರುಣದಿ ಜಗದಾನಂದ

ರಚನೆ: ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೨೫.೧೨.೨೦೧೧