Shri Krishnana Nooraru Geethegalu - 122

ನಿನ್ನ ಗೂಡಿನಾಶ್ರಯದೊಳು

ಜಗದ್ಹಗಲವೊಡಲೊಳುದಿಸುವಾದಿತ್ಯನಾದಿ
ಕಿರಣಾಂತರಂಗದೊಳು ನೀನಿರುವೆ ಹರಿಯೆ

ಬುವಿಬಸುರಿನಾಳವ್ಹರಿದು ಕಣ್ತೆರೆವ ಜೀವ
ಬೀಜದಾಶಯದೊಳು ನೀನಿರುವೆ ಹರಿಯೆ

ಚಿಗುರಿದಾ ಚಿಗುರೆಯ್ಹಸಿರುಗಿಡಮರದ್ಯೌವ್ವನದ
ಮೈಮನಪುಳಕಿತದಂದದಿ ನೀನಿರುವೆ ಹರಿಯೆ

ಮೈದುಂಬಿದಾವೃಕ್ಷದ್ಹೂಯೀಚುಕಾಯಣ್ಣ ಸವಿದ
ಕೋಕಿಲಶಾರೀರದೊಳು ನೀನಿರುವೆ ಹರಿಯೆ

ಇಂತಿರ್ಪ ಶ್ರೀನಿವಾಸ ವಿಠಲನೆಂಬೀ ಕಲ್ಪವೃಕ್ಷದಾ
ಕೊನೆಗೂಡಿನಾಶ್ರಯದೊಳು ನಾನಿರುವೆ ಹರಿಯೆ

ರಚನೆ:- ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೦೧.೦೬.೨೦೧೧