ಗೋವಿಂದರಾಯ
ದ್ವಾಪರದ ಗೋಕುಲನೆ ಗೋವಿಂದರಾಯ
ಸೃಷ್ಟಿಯೊಳು ಸುಜನಂಗೆ ಸರ್ವಮಂಗಳ ನೀನೊ
ದುರಿತಸಂಹಾರಿ ಶ್ರೀದೇವದೇವ
ಅರಿಯದೆ ಹರಿಯೆಂದ ಅಜಮಿಳನ ಹರಸಿದನೆ
ಕಾಯುವುದು ಕಡೆವರೆಗು ಈ ಮೂಢನ (೧)
ಹೊನ್ನುಮಣ್ಣಿನ ದಾಹ ಮಡದಿಮಕ್ಕಳ ಮೋಹ
ಒಳಗಿರಿಸಿದವ ನೀನೊ ನಾನು ಬೊಂಬೆ
ಕಳೆದೆಲ್ಲ ಜಂಜಡವ ಕರುಣಿಸೊ ಶ್ರೀಪದವ
ಶ್ರೀನಿವಾಸ ವಿಠಲ ನೀ ಎನ್ನ ತಂದೆ (೨)
ಕಾಯುವುದೊ ಕೃಷ್ಣಯ್ಯ ಯಶೋದೆ ಪ್ರಿಯಸುತನೆ
ದ್ವಾಪರದ ಗೋಕುಲನೆ ಗೋವಿಂದರಾಯ
ರಚನೆ:- ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೧೬.೦೭.೨೦೧೧
No comments:
Post a Comment