Shri Krishnana Nooraru Geethegalu - 157

ನಾ ನೀನಾಗುವ

ನೀ ಎಮ್ಮವನೊ ನಾ ನಿನ್ನವನೊ
ನಾ ನೀನಾಗುವ ಪರಿಯೆನಿತೊ ಕೃಷ್ಣ

ಎನ್ನೊಳ ನಾನು ನಿನ್ನೊಳು ಬಾಗುವ
ನಾ ನೀನಾಗುವ ಪರಿಯೆನಿತೊ ಕೃಷ್ಣ

ನಾನು ನಗಣ್ಯನಾಗಿ ನೀನಾಗ್ರಗುಣನಾಗಿ
ನಾ ನೀನಾಗುವ ಪರಿಯೆನಿತೊ ಕೃಷ್ಣ

ನಾನು ನಶ್ವರವಾಗಿ ನೀ ಈಶ್ವರನಾಗಿ
ನಾ ನೀನಾಗುವ ಪರಿಯೆನಿತೊ ಕೃಷ್ಣ

ಶ್ರೀನಿವಾಸ ವಿಠಲನೆ ನೀ ನಾ ಎಲ್ಲವಾಗಿ
ಶ್ರೀಪಾದಸೇವೆಯ ಬಗೆಯೆನಿತೊ ಕೃಷ್ಣ

ನೀ ಎಮ್ಮವನೊ ನಾ ನಿನ್ನವನೊ
ನಾ ನೀನಾಗುವ ಪರಿಯೆನಿತೊ ಕೃಷ್ಣ

ರಚನೆ:- ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೧೫.೦೯.೨೦೧೧