Shri Krishnana Nooraru Geethegalu - 224

ಮಂಗಳ ಕೃಷ್ಣ

ಮಂಗಳ ಕೃಷ್ಣ ಮಂಗಳ ಪೂರ್ಣವದನ ತಿಂಗಳ
ಮಂಗಳ ಕೃಷ್ಣ ಮಂಗಳ ಮಂಗಳ ಶುಭಮಂಗಳ

ರಘುವಂಶದುದ್ಧಾರ ಸತ್ಯಗುಣ ಸರದಾರ
ಪುರುಷೋತ್ತಮ ರಾಮ ಜಯಮಂಗಳ
ಜಾನಕೀ ಹೃದಯ ಶ್ರೀದುರಿತಸಂಹಾರ
ಹನುಮ ದೇವನೆ ರಾಮ ಜಯಮಂಗಳ (೧)

ಯದುಕುಲೋತ್ತಮ ಕೃಷ್ಣ ಶ್ರೀಕೇಶಗರಿಮುಕುಟ
ಜಯತು ದೇವಕಿ ಕಂದ ಜಯಮಂಗಳ
ಮುರಿದು ಕೆಡುಕರ್ಮಗಳ ಧರೆಧರ್ಮ ಪೊರೆದವನೆ
ಜಯತು ರಾಧೆಯ ದೇವ ಜಯಮಂಗಳ (೨)

ಶ್ರೀರಾಮ ಮಂಗಳ ಶ್ರೀಶ್ಯಾಮ ಮಂಗಳ
ದಶರೂಪದೊಡೆಯನೆ ಜಯಮಂಗಳ
ಎಮ್ಮಮ್ಮ ಸಿರಿಲಕುಮಿಯೊಪ್ಪಿದ ಚೆಲುವನೆ
ಶ್ರೀನಿವಾಸ ವಿಠಲಯ್ಯ ಜಯಮಂಗಳ (೩)

ಮಂಗಳ ಕೃಷ್ಣ ಮಂಗಳ ಪೂರ್ಣವದನ ತಿಂಗಳ
ಮಂಗಳ ಕೃಷ್ಣ ಮಂಗಳ ಮಂಗಳ ಶುಭಮಂಗಳ
\
       ರಚನೆ: ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೧೬.೦೪.೨೦೧೨