ಬೃಂದಾವನ ದೊರೆಯೆ
ಮೊರೆಬಂದೆ ನಿನ್ನ ಪಾದ ಬೃಂದಾವನ ದೊರೆಯೆ
ಕಾರ್ಯಕಾರಣ ನೀನೊ ನಾನಿಲ್ಲಿ ಬರೀ ಶೂನ್ಯ
ಸಕಲ ಪಾಲಕ ಗುರುವೆ ನೀನೇ ಜಗಮಾನ್ಯ
ಬಕುತಜನ ಭವಹರನೆ ಭುವನಗಿರಿ ಗುರುರಾಯ
ಬೇಡುವೆನು ಕರುಣದೊಳು ಕಾಯೊ ಮಹನೀಯ (೧)
ಧರ್ಮ ಕಾವನು ನೀನೊ ಧರೆಯ ಸಲಹುವ ದೇವ
ಶ್ರೀರಾಮ ಗುಣಧಾಮ ಶ್ರೀರಾಘವೇಂದ್ರ
ಅಸುರಹಾರಕ ಗುರುವೆ ಶುಭವರವ ಕರುಣಿಸೊ
ಶ್ರೀಮಧ್ವಮತ ಸೋಮ ಕಾಯೊ ಯೋಗೇಂದ್ರ (೨)
ಸುಮತೀಂದ್ರ ಯತಿ ನೀನೊ ಮತಿಯಿರದಿ ಮೂಢಂಗೆ
ಎನ್ನನ್ಯವನು ಕ್ಷಮಿಸೊ ಭುವನವಂದ್ಯ
ಶ್ರೀನಿವಾಸ ವಿಠಲನ ಪದಪದ್ಮ ಶ್ರೀಗುರುವೆ
ನರಕದೊಳು ನಾಕವಿಡೊ ಬದುಕಸಂಧ್ಯಾ (೩)
ಕಲಿಯುಗದೆ ಕಾಮಧೇನು ಕಲ್ಪವೃಕ್ಷ ಶ್ರೀಗುರುವೆ
ಮೊರೆಬಂದೆ ನಿನ್ನ ಪಾದ ಬೃಂದಾವನ ದೊರೆಯೆ
ರಚನೆ:- ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೧೪.೧೦.೨೦೧೧
No comments:
Post a Comment