Shri Krishnana Nooraru Geethegalu - 175

ಕೋಲನ್ನಾಡು ಬಾರೊ

ಕೋಲನ್ನಾಡು ಬಾರೊ ರಂಗ ಕೋಲನ್ನಾಡು ಬಾರೊ

ಸುಂದರ ಸಗ್ಗದ ಬೃಂದಾವನದಿ
ಯುಗದ ಜಗದ ಸಖನೆ ಮುದದಿ
ಗೋಕುಲ ಚೆಲ್ವೇರ ಚಂದುಳ್ಳಿ ಸಂಗದಿ
ನಂದಗೋಪಿಯ ಆನಂದ ಕಂದ (೧)

ರಾಧೆಯ ನಯನದೆ ನಯನವನಿರಿಸಿ
ಹೃದಯದ ವಿರಹವ ಚುಂಬಿಸಿ ರಮಿಸಿ
ಗೆಜ್ಜೆಯ ಹೆಜ್ಜೆಯ ಸಮದೊಳಗಿರಿಸಿ
ಮೋಹನ ಮಾಧವ ಶ್ರೀಕೃಷ್ಣ ಸರಸಿ (೨)

ದಶವರ್ಣದ ಕೋಲ ದಶರೂಪದೊಳಗೆ
ಧರ್ಮದೊಳಾಡುತ ಧರೆಯ ಕಾದವನೆ
ಶ್ರೀರಾಯರಾಯನೆ ಶ್ರೀನಿವಾಸ ವಿಠಲನೆ
ನರಕುಲ ಸಂಜೀವ ಶ್ರೀಮಧ್ವರೊಡೆಯನೆ (೩)

ಕೋಲನ್ನಾಡು ಬಾರೊ ರಂಗ ಕೋಲನ್ನಾಡು ಬಾರೊ

    ರಚನೆ: ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೧೮.೧೦.೨೦೧೧