Shri Krishnana Nooraru Geethegalu - 264

ಲಾಲಿ ಗೋವಿಂದ

ಲಾಲಿ ಗೋವಿಂದ ಕೃಷ್ಣ ಗೋವಿಂದ  ಜೋ ಜೋ ಜೋ ಲಾಲಿ ಕಾಯೊ ಮುಕುಂದ

ಕಂಸನ ಅನುಜೆಯ ಅಷ್ಟಗರ್ಭದಿಂ ಸೆರೆಯೊಳು ಉದಿತನೆ ಗೋವಿಂದ
ರಭಸದ ಯಮುನೆಯ ಪಿತಶಿರವೇರಿ ಗೋಕುಲ ನಡೆದನೆ ಗೋವಿಂದ (ಲಾಲಿ ೧)

ನಂದಗೋಪನ ಮುದ್ದುಮಡದಿಯ ಮಡಿಲೊಳಗಾಡ್ದನೆ ಗೋವಿಂದ
ಶಕಟ ಪೂತನೆ ದುರಿತರ ಹರಿದು ಗೋಕುಲ ಕಾಯ್ದನೆ ಗೋವಿಂದ (ಲಾಲಿ ೨)

ಕಮಲನಯನ ಶ್ರೀಪೂರ್ಣೇಂದುವದನೆನೆ ಮೂನಾಮತಿಲಕ ಶ್ರೀಗೋವಿಂದ
ಮಧುರೇಂದ್ರ ವಸುದೇವಸುತ ಶ್ರೀಕೃಷ್ಣನೆ ರಾಧಾಹೃದಯ ಶ್ರೀಗೋವಿಂದ (ಲಾಲಿ ೩)

ಮುರಳಿಧರನೆ ನವನೀತಪ್ರಿಯನೆ ಶ್ರೀನಿವಾಸ ವಿಠಲನೆ ಗೋವಿಂದ
ನಿನ್ನ ಶ್ರೀಪಾದವ ಭಜಿಸುವ ಸುಜನರ ಧರೆಯೊಳು ಪೊರೆಯೊ ಗೋವಿಂದ (ಲಾಲಿ ೪)

ಲಾಲಿ ಗೋವಿಂದ ಕೃಷ್ಣ ಗೋವಿಂದ  ಜೋ ಜೋ ಜೋ ಲಾಲಿ ಕಾಯೊ ಮುಕುಂದ

        ರಚನೆ: ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೦೭.೦೮.೨೦೧೨