Shri Krishnana Nooraru Geethegalu - 105

ನಾರಾಯಣ ನಾಮವದು

ನಾರಾಯಣ ನಾಮವದು ಎನ್ನೊಳಗೆ ನಲಿಯಲಿ
ಅಂತರಂಗದಾತ್ಮದೊಳಗೆ ಹರಿಹಣತೆಯು ಬೆಳಗಲಿ

ಅಮ್ಮ ಲಕುಮಿ ಸಂಗದೊಳಗೆ ಆನಂದಕ್ಷೀರ ಕಡಲಲಿ
ಸರಸವಾಡೊ ಸುಂದರಾಂಗನ ಕಣ್ಣು ನೋಡಿ ತಣಿಯಲಿ (೧)

ಆದಿದೇವನ ಹಾಡಿ ಪೊಗಳುವಮೋಘ ಗಾನ ಸುಧೆಯನು
ಎನ್ನ ನಾಲಗೆ ನುಡಿದು ನಲಿಯಲಿ ಕರ್ಣಂಗಳು ಸವಿಯಲಿ (೨)

ಎನ್ನ ನಾಸಿಕವವಗೆ ಮಣಿಯಲಿ ಸರ್ವಗಂಧನ ಅಲೆಯಲಿ
ಶ್ರೀನಿವಾಸ ವಿಠಲ ನೆಲೆಸಲಿ ಎನ್ನ ಚಿತ್ತದ ಗುಡಿಯಲಿ (೩)

ನಾರಾಯಣ ನಾಮವದು ಎನ್ನೊಳಗೆ ನಲಿಯಲಿ
ಅಂತರಂಗದಾತ್ಮದೊಳಗೆ ಹರಿಹಣತೆಯು ಬೆಳಗಲಿ

ರಚನೆ:- ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೧೫.೦೫.೨೦೧೧