Shri Krishnana Nooraru Geethegalu - 115

ರಾಧೆ ಮಾಧವ ಚೆಲುವ

ಗೋವಿಂದ ಜಯಜಯ ಗೋವಿಂದ ಕೃಷ್ಣ
ರಾಧೆ ಮಾಧವ ಚೆಲುವ ಜಯಜಯ ಕೃಷ್ಣ

ಯದುವಂಶಕುಲಜಶ್ರೀ ಗೋವಿಂದ ಕೃಷ್ಣ
ವಸುದೇವಕಂದನೆ ಗೋವಿಂದ ಕೃಷ್ಣ
ದೇವಕಿಯರವಿಂದ ಗೋವಿಂದ ಕೃಷ್ಣ
ಯಶೋದೆಯಾನಂದ ಗೋವಿಂದ ಕೃಷ್ಣ (೧)

ಸೆರೆಯೊಳು ಉದಿಸಿದ ಗೋವಿಂದ ಕೃಷ್ಣ
ಗೋಕುಲದಿ ನೆಲೆಸಿದ ಗೋವಿಂದ ಕೃಷ್ಣ
ಭಾಮೆಯ ಮನಚೋರ ಗೋವಿಂದ ಕೃಷ್ಣ
ಗೋಪಜನ ಪ್ರಿಯದೇವ ಗೋವಿಂದ ಕೃಷ್ಣ (೨)

ದುರುಳರ ಮಡುಹಿದ ಗೋವಿಂದ ಕೃಷ್ಣ
ಕುರುಜನ ಕೆಡುಹಿದ ಗೋವಿಂದ ಕೃಷ್ಣ
ಸುಜನರ ಪೊರೆವ ಶ್ರೀಗೋವಿಂದ ಕೃಷ್ಣ
ಪಾಂಡವಪ್ರಿಯನೆಮ್ಮ ಗೋವಿಂದ ಕೃಷ್ಣ (೩)

ಬಕುತಿಗೆ ಒಲಿವನೊ ಗೋವಿಂದ ಕೃಷ್ಣ
ಯುಕುತಿಲಿ ಸಲಹುವ ಗೋವಿಂದ ಕೃಷ್ಣ
ಶ್ರೀನಿವಾಸ ವಿಠಲನೊ ಗೋವಿಂದ ಕೃಷ್ಣ
ವೈಕುಂಠಪತಿಯೆಮ್ಮ ಗೋವಿಂದ ಕೃಷ್ಣ (೪)

ಗೋವಿಂದ ಜಯಜಯ ಗೋವಿಂದ ಕೃಷ್ಣ
ರಾಧೆ ಮಾಧವ ಚೆಲುವ ಜಯಜಯ ಕೃಷ್ಣ

ರಚನೆ:- ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೨೬.೦೫.೨೦೧೧