Shri Krishnana Nooraru Geethegalu - 117

ಬಾರಮ್ಮ ಸಿರಿಲಕುಮಿ

ಬಾರಮ್ಮ ಸಿರಿಲಕುಮಿ ಬಾರೆಮ್ಮ ಮನೆಗೆ
ಪನ್ನಗಶಯನ ಶ್ರೀವೈಕುಂಠಪತಿಯೊಡನೆ

ಸರ್ವಮಂಗಳೆ ದೇವಿ ಚಂದಿರವದನೆಯೆ
ಶಂಖ ಚಕ್ರ ಗದಾ ಪುಣ್ಯಹಸ್ತೆ
ನವರತ್ನಾಭರಣೆ ನಯನಮನೋಹರಿ
ನರಹರಿಯೊಡ ನಾಚಿ ನಲಿಯುತಲಿ (೧)

ಮಂಗಳ ಮಂಟಪದಿ ಬಿಲ್ವದಲಂಕಾರ
ಜಾಜಿ ಮಲ್ಲಿಗೆ ಪದ್ಮ ಮೊದಲಿಡುವೆ
ಅರಿಶಿಣ ಕುಂಕುಮ ಕಣ ಕಾಣಿಕೆಗಳ
ಶ್ರೀಹರಿಯೊಡತಿಯೆ ನಿನಗಿಡುವೆ (೨)

ಶ್ರೀಪಾದನೊಡನೆ ಸಿರಿಪಾದದೊಡತಿಯೆ
ಹೆಜ್ಜೆ ಬಲದೆಜ್ಜೆಯಿಟ್ಟು ನೀ ಬಾರೆ
ಶ್ರೀನಿವಾಸ ವಿಠಲನ ಶ್ರೀಪಾದ ಸೇವಕಿಯೆ
ಮೂಜಗದೊಡೆಯನ ಕರೆ ತಾರೆ (೩)

ಬಾರಮ್ಮ ಸಿರಿಲಕುಮಿ ಬಾರೆಮ್ಮ ಮನೆಗೆ
ಪನ್ನಗಶಯನ ಶ್ರೀವೈಕುಂಠಪತಿಯೊಡನೆ

ರಚನೆ:- ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೨೭.೦೫.೨೦೧೧