Shri Krishnana Nooraru Geethegalu - 031

ನಿನ್ನ ಕರುಣ

ಎಂದಿಗೊದಗುವುದೊ ನಿನ್ನ ಕರುಣ ವೆಂಕಟರಮಣ
ನೀತಿನೇಮವರಿಯದೀ ಮತಿಹೀನ ಪಾಮರಗೆ

ನಾನಾ ಜನುಮಗಳಲ್ಲಿ ನಾನಾ ಯೋನಿಗಳಲ್ಲಿ
ನಾನೆಂಬ ವೇಷವ ಧರಿಸಿ ಬಂದೆ
ಸರ್ವಾವತಾರದೊಳು ಸಕಲರ ತಲೆಕಾವ
ದೇವ ನಿನ್ನರಿಯದೆ ದೂರ ನಿಂತೆ (೧)

ಮದುವೆ-ಮಡದಿಯೆಂದೆ ಮಕ್ಕಳ-ಮೋಹ ಮುಂದೆ
ನೆಲ-ಜಲ ಸಕಲವು ಎನಗಿರಲೆಂದೆ
ಬಾಡಿಗೆಮನೆಯವನೊ ಭಜಿಸದೆ ಮರೆತೆ ನಿನ್ನ
ಶ್ರೀನಿವಾಸ ವಿಠಲನೆ ಕ್ಷಮಿಸು ತಂದೆ (೨)

ಎಂದಿಗೊದಗುವುದೊ ನಿನ್ನ ಕರುಣ ವೆಂಕಟರಮಣ
ನೀತಿನೇಮವರಿಯದೀ ಮತಿಹೀನ ಪಾಮರಗೆ

ರಚನೆ:- ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೨೨.೦೭.೨೦೧೦