Shri Krishnana Nooraru Geethegalu - 036

ಕರುಣಿಸೊ ಶ್ರೀಹರಿ

ಕರುಣಿಸೊ ಶ್ರೀಹರಿ ಸಕಲ ಸುಗುಣಂಗಳ
ಬೇಡುವೆನೊ ಪಾಮರನು ನಾ ನಿನ್ನ ದಾಸ

ಮತಿಯೆನ್ನದು ನಿನ್ನ ಬಿಡದೆ ಸ್ತುತಿಸುವ ಗುಣವ
ಅಕ್ಷಿಗಳೆನ್ನವು ನಿನ್ನ ಸದಾ ಹರಸುವ ಗುಣವ
ನಾಸಿಕವದು ನಿನ್ನ ಆಘ್ರಾಣಿಸೊ ಗುಣವ
ಕರ್ಣಂಗಳೆನ್ನವು ನಿನ್ನೇ ಆಲಿಸೊ ಗುಣವ (೧)

ನಾಲಗೆಯದು ನಿತ್ಯ ನಿನ್ನ ನುಡಿಯುವ ಗುಣವ
ಹೃದಯವೆನ್ನದು ದೇವ ನಿನಗೆ ಮಿಡಿಯುವ ಗುಣವ
ಕರಪಾದಂಗಳು ನಿನಗೆ ಮುಗಿದು ನಡೆಯುವ ಗುಣವ
ಶ್ರೀನಿವಾಸ ವಿಠಲನೆ ನಿನ್ನ ಸಂಪನ್ನ ಸದ್ಗುಣವ (೨)

ಕರುಣಿಸೊ ಶ್ರೀಹರಿ ಸಕಲ ಸುಗುಣಂಗಳ
ಬೇಡುವೆನೊ ಪಾಮರನು ನಾ ನಿನ್ನ ದಾಸ

ರಚನೆ:- ಎನ್.ಕೃಷ್ಣಮೂರ್ತಿ, ಭದ್ರಾವತಿ / ೨೫.೦೯.೨೦೧೦